თბილისის მეტროში საბურთალოს ხაზზე ტექნიკური ხარვეზის გამო მოძრაობა დაახლოებით 20 წუთის განმავლობაში შეფერხებული იყო. სატრანსპორტო კომპანიის განცხადებით, მოძრაობის გაჩერების მიზეზი ტექნიკური ხარვეზი გახდა, რამაც ძაბვის ვარდნა გამოიწვია.
მეტროს გაჩერების შემდეგ მატარებლის მგზავრები მემანქანესა და საპატრულო პოლიციის წარმომადგენელს დაუპირისპირდნენ.
ამ დროისთვის საბურთალოს ხაზზე მოძრაობა აღდგენილია.