რა შეზღუდვები იხსნება და რა არ იხსნება – მოკლედ

მთავრობის გადაწყვეტილებით, პირველი თებერვლიდან:

ბათუმში, ზუგდიდში, გორში, ფოთსა და თელავში აღდგება:

• მუნიციპალური ტრანსპორტის, სკოლების, მაღაზიების და სავაჭრო ცენტრების მუშაობა. ამ ქალაქებში შაბათ-კვირას, მთელი თებერვლის განმავლობაში, არ იფუნქიცონირებს მუნიციპალური ტრანსპორტი, რესტორნები, კვების ობიექტები და მაღაზიები იმუშავებენ ისევ დისტანციურად.

თბილისში, ქუთაისსა და რუსთავში აღდგება:

• მაღაზიები და სავაჭრო ცენტრები;

აჭარაში:

• პირველი თებერვლიდან დაშვებული იქნება კვების ობიექტებში ღია სივრცეებში სტუმრების მიღება. კვლავ ძალაში რჩება ქორწილების, სხვადასხვა სოციალური ღონისძიებისა თუ წვეულების გამართვასთან დაკავშირებით მოქმედი აკრძალვა.
• სხვა რეგიონებში რესტორნები და კვების ობიექტები, მათ შორის სასტუმროებში, გააგრძელებენ მუშაობას არსებულ რეჟიმში – გატანა-მიტანის სერვისით.

1-ელი თებერვლიდან რეგულარულ ფრენებზე შეზღუდვები იხსნება

ძალაში რჩება:

• 1 მარტამდე ქვეყნის მასშტაბით ძალაში რჩება გადაადგილებაზე არსებული შეზღუდვა 21:00 საათიდან 05:00 საათამდე.

• ძალაში რჩება პირბადის ტარების წესი.

• თბილისში, რუსთავასა და ქუთაისში სკოლების და ტრანსპორტისა და სკოლების აკრძალვა 1 მარტამდე ძალაში რჩება.
• ყველა ქალაქში ღია და დახურული ბაზრობები 15 თებერვლამდე დაკეტილი რჩება.

• ძალაში რჩება ყველა შეზღუდვა სათხილამურო კურორტებზე.

• საბავშვო ბაღებში, პროფსასწავლებლებსა და უმაღლეს სასწავლებლებში სწავლების პროცესის განახლება პირველი მარტიდანაა დაგეგმილი.

• ამ ეტაპზე შეზღუდული იქნება საქალაქთაშორისო ტრანსპორტის მუშაობა.

• აუცილებელია პირბადის, მომხმარებელთა ნაკადების, რიგების და დისტანციის მართვა, რაც მკაცრად გაკონტროლდება.

•  ბიზნესს ექნება ვალდებულება, იზრუნოს პერსონალის ტესტირებაზე.

• ყველა ტიპის სავაჭრო ობიექტი, 30-ზე მეტი თანამშრომლით, მათ შორის ბაზრობები, ვალდებული იქნებიან, უზრუნველყონ 2 კვირაში ერთხელ თანამშრომელთა არანაკლებ 20%-ის ტესტირება.

• კვების ობიექტებისთვის სავალდებულო იქნება 2 კვირაში ერთხელ თანამშრომლების 50%-ის ტესტირება;

• ორ კვირაში ერთხელ განხორციელდება მასწავლებელთა სისტემური ტესტირება..