ივანიშვილის მერი კახა კალაძე ბიზნესმედიაჯგუფს “მიზანმიმართულ” სიცრუეში ადანაშაულებს და აცხადებს, რომ რუსთაველის გამზირის რეაბილიტაციის კონტრაქტორ კომპანიას შორის 30 ოქტომბერს გაფორმებული ხელშეკრულების ცვლილება მხოლოდ “ტექნიკური ხასიათის” იყო. BM.GE ავრცელებს, განახლებული კონტრაქტს, რომლის მიხედვითაც, კომპანია სმარტ სოლუშენსს სარეაბილიტაციო სამუშაოების შესასრულებლად ვადა 100-დან 130 კალენდარულ დღემდე გაეზარდა.
“ბოლო დღეების განმავლობაში კონკრეტული ტელევიზია, TV პირველი და ბიზნესმედია ჯგუფი, რომლის გადაცემებიც ამ ტელევიზიაზე გადის, ავრცელებენ მიზანმიმართულ სიცრუეს პროექტის დასრულებასთან დაკავშირებით.მიუხედავად იმისა, რომ წინა მთავრობის სხდომაზე ვისაუბრე, გავაკეთე განმარტებები, ასევე, როცა სამუშაოებს ვიწყებდით და პროექტის განხორციელება იწყებოდა, მაშინვე ვთქვით, რომ ნოემბრის ბოლოს დასრულდებოდა სარეაბილიტაციო სამუშაოები აღნიშნული გამზირის. მიუხედავად ამისა, ეს კონკრეტული ტელევიზია ცდილობს, მიზანმიმართულად გაავრცელოს სიცრუე და შეცდომაში შეიყვანოს… ისინი საუბრობენ იმაზე, თითქოს ოქტომბერში უნდა დასრულებულიყო პროექტი და ერთი თვით კონკრეტულ კომპანიას გაუხანგრძლივდა ხელშეკრულება.კიდევ ერთხელ მინდა უცებ ავხსნა – როცა გამოვაცხადეთ ტენდერი, გამარჯვებულ კომპანიასთან გაფორმდა ხელშეკრულება, სადაც გათვალისწინებული იყო ასი დღის ვადა, თუმცა, პირველ სამუშაოებს ატარებდა GWP, რადგან მიწისქვემოთ არსებული ამორტიზებული ქსელი, რა თქმა უნდა, მათი გასაკეთებელია, ყველა ასეთ პროექტზე ასე ხდება…როცა დამთავრდა, შემდეგ უკვე ჩვენ მიერ გამოცხადებულ ტენდერში გამარჯვებული კომპანია შედის სამუშაოებით და იწყებს შესაბამის პროექტს.
ეს იყო უბრალოდ ტექნიკური ხასიათის ცვლილება და ამაზე აპელირება მიუხედავად იმისა, რომ წინა მთავრობის სხდომაზე გავაკეთე განმარტება, მანამდეც ძალიან ბევრჯერ ითქვა, რომ სამუშაოები ნოემბრის ბოლოს იქნება დასრულებული… კონკრეტული ტელევიზია ცდილობს, სიცრუეში შეიყვანოს მოსახლეობა და მიაწოდოს არასწორი ინფორმაცია.არ დაუჯეროთ, მეგობრებო. როგორც გითხარით, სამუშაოები დამთავრებული უნდა იყოს ნოემბრის ბოლოს. ძალიან აქტიურად მიმდინარეობს რეაბილიტაცია რუსთაველის გამზირზე” – ამბობს კახა კალაძე.