დღეს, დილის საათებში უკრაინის ქალაქ დნიპროს რკინიგზის სადგურზე რუსებმა დრონებით იერიში მიიტანეს, რასაც სულ მცირე, 13 ადამიანი ემსხვერპლა. დაშავდა კიდევ 13 ადამიანი.რეაქტიული დრონი სადგურის ერთ-ერთ პლატფორმას, რომელთანაც დნიპრო–ზაპორიჟიის მატარებელი იდგა, მაშინ მოხვდა, როცა პლატფორმაზე მგზავრები იმყოფებოდნენ.
დნიპროპეტროვსკის საოლქო სამხედრო ადმინისტრაციის ხელმძღვანელის, ოლექსანდრ ჰანჟას თქმით, ოთხი დაშავებული, მათ შორის, 11 წლის ბიჭი, მძიმე მდგომარეობაშია. ყველა დაშავებული საავადმყოფოშია გადაყვანილი.
ვოლოდიმირ ზელენსკის განმარტებით, რუსეთმა იმ პლატფორმას დაარტყა, რომელთანაც საგარეუბნო ელექტრომატარებელი და რეგულარული სამგზავრო მატარებელი იდგა.
“რამდენი ასეთი ტერორისტული დარტყმა მიიტანა რუსეთმა ჩვენს ხალხზე მას შემდეგ, რაც ზოგიერთ რუს ოლიგარქსა და ენერგეტიკის სექტორს სანქციები მოუხსნეს, ნაცვლად იმისა, რომ დეესკალაციისკენ წასულიყო? მოსკოვისა და მისი სამხედრო მანქანის წინააღმდეგ სანქციები არ უნდა შემსუბუქდეს, სანამ რუსეთის ეს ომი გრძელდება.” – დაწერა ზელენსკიმ.