რუსეთის პატრიარქ კირილის 80 წლის იუბილეზე საქართველოს მართლმადიდებელი ეკლესიის წარმომადგენლების ჩასვლას ელიან – ამის შესახებ მოსკოვში, წმინდა გიორგის სახელობის ქართული ტაძრის მღვდელმთავარმა ფიოდორ კრეჩეტოვმა განაცხადა.
კრეჩეტოვმა ეს განცხადება მოსკოვში, მამუკა ფიფიასა და ოთარ ფარცხალაძესთან დაკავშირებული ფონდის ღონისძიებაზე გააკეთა. მისი თქმით, საქართველოსა და რუსეთის ეკლესიებს შორის ურთიერთობა გრძელდება, მიუხედავად არსებული სირთულეებისა.
- “ორი ეკლესიის ურთიერთობა ყოველთვის ძმური იყო, ის ნარჩუნდებოდა ყველაზე რთულ მომენტებში. სწორედ ამ მომენტში მთავარი როლი ითამაშა აწგანსვენებულმა კათოლიკოს-პატრიარქმა ილიამ. […] ახლა, როცა უწმინდესი უფალს მიებარა, ურთიერთობა მაინც გრძელდება. გვესმის, რომ ისე არა… პატრიარქ შიო III-ს სჭირდებოდა საკუთარი საქმეებისთვის მიეხედა. ახლა ისევ იმართება ურთიერთობა. გრძელდება, რა თქმა უნდა. ახლა იქნება უწმინდესი პატრიარქი კირილის იუბილე და მასზე ქართული დელეგაციაც იქნება.” – თქვა კრეჩატოვმა.
რუსეთის პატრიარქს 80 წელი 20 ნოემბერს შეუსრულდება. თუმცა, საქართველოს საპატრიარქოს, ჯერ ამასთან დაკავშირებით განცხადება არ გაუკეთბია.
კირილი ვლადიმერ პუტინის ხელისუფლებისა და უკრაინის წინააღმდეგ რუსეთის ომის მხარდამჭერია. შესაბამისად, ქართული დელეგაციის შესაძლო მონაწილეობა რუსეთის ეკლესიასთან ურთიერთობის კონტექსტში ყურადღებას იპყრობს.