რატომ ვერ მოახერხეთ ტექნიკური მარილის დაყრა? სრული კატასტროფაა -პარლამენტის პლენარულ სხდომაზე, “მოქალაქეების” ლიდერმა ალეკო ელისაშვილმა ვიცე-პრემიერს, მაია ცქიტიშვილს მოსთხოვა გაეცა პასუხი, უამინდობის გამო პარალიზებულ ქალაქში რატომ ვერ მოხერხდა გზის გაწმენდითი სამუშაოების დროულად ჩატარება.
“თბილისის მერის წილი პასუხისმგებლობის შესახებ თქვენ ვერ შეგეკითხებით, მაგრამ უამრავი მანქანა დაიმტვრა და მოკლედ, რაც ხდება, სრული კატასტროფაა. კითხვა კი ასეთი მექნება – რატომ ვერ მოახერხა თქვენმა უწყებამ ტექნიკური მარილი დაეყარა გზებზე? ხომ ვიცოდით წინასწარ, რომ თოვლი მოვიდოდა? ეს მიუთითებს თქვენი მუშაობის არაეფექტურობაზე ან იმაზე, რომ მეტეოროლოგიურ სამსახურთან არ გაქვთ კომუნიკაცია, – უთხრა ალეკო ელისაშვილმა მაია ცქიტიშვილს.