პარტია “კანონი და სამართლის” ლიდერის, თაკო ჩარკვიანის მიერ ორგანიზებულ აქციას, სხვა ოპოზიციური პარტიების მსგავსად, არ შეუერთდა “გირჩი – მეტი თავისუფლება”. პარტიის წევრისა და თბილისის ვიცე-მერობის კანდიდატის, ცოტნე კობერიძის განმარტებით, მათი მხარდამჭერები თავად გადაწყვეტენ, მიიღონ თუ არა აქციაში მონაწილეობა.
მისივე თქმით, თაკო ჩარკვიანი “პოლიტიკურად ბეცია”, რომლის კაპიტალი სააკაშვილის დავალებების შესრულებაზე დგას.
“პარტია, როგორც ასეთი, “გირჩი” არ უერთდება, თუმცა მხარდამჭერები, წევრები, თვითონ ინდივიდუალურად გადაწყვეტენ შეუერთდნენ თუ არა ამ აქციას. თაკო ჩარკვიანი არის პოლიტიკურად ბეცი, მორალის არმქონე ადამიანი. მიშაზე მეტი მიშისტია ხოლმე, როცა მას სჭირდება, სწორედ ეგ არის ის პოლიტიკური სუბიექტი, რომლის მთელი პოლიტიკური კაპიტალი დგას მიხეილ სააკაშვილის დავალებების შესრულებაზე,”- აცხადებს კობერიძე რუსთავი 2-თან საუბრისას.
მანამდე თაკო ჩარკვიანმა პარტიები, რომლებიც მის აქციას არ შეუერთდნენ, “ელემენტარული ღირებულებებისა” და ყოფილი პრეზიდენტის ღალატში დაადანაშაულა.
აქცია ამ დროისთვის რუსთაველის გამზირზე, პარლამენტის შენობასთან მიმდინარეობს.