გერმანიის კანცლერმა ოლაფ შოლცმა უკრაინისთვის Leopard 2-ის ტანკების გადაცემის გადაწყვეტილება მიიღო. ამის შესახებ ინფორმაციას გერმანული გამოცემა Spiegel ავრცელებს.
უკრაინისთვის “Leopard” გადაცემის საკითხს, გერმანიის ბუნდესტაგი ხვალ ოფიციალურად გამოაცხადებს.
Reuter-ის ცნობით, გერმანიის მთავრობის სპიკერმა კომენტარის გაკეთებაზე უარი თქვა.
ცოტა ხნის წინ, უკრაინელ ოფიციალურ პირზე დაყრდნობით, ABC NEWS-მა გაავრცელა ინფორმაცია, რომ 12 ქვეყანა მზადაა 100 ცალი Leopard-2-ის ტანკი გადასცეს უკრაინას, როგორც კი გერმანია მიწოდების ნებართვას გასცემდა.
ABC News-ის ცნობით, „რამშტაინში“ გაიმართა დახურული შეხვედრა, სადაც განიხილეს, რომ სახელმწიფოები მზად არიან გაგზავნონ თავიანთი ტანკები, როგორც კი გერმანია დათანხმდება ექსპორტის ლიცენზიის გაცემაზე.
ამის შესახებ უკრაინელმა ოფიციალურმა პირმა ABC News-თან ანონიმურად განაცხადა. მისი თქმით, უკრაინამ შესაძლოა 100-მდე ტანკი მიიღოს, თუ გერმანია ექსპორტის ლიცენზიას გასცემს. ეს ქვეყნებია : პოლონეთი, ფინეთი, ესპანეთი, დანია და ნიდერლანდები. ტანკების მისაწოდებლად ამ ქვეყნებს მხოლოდ გერმანიის თანხმობა სჭირდებათ, რომელსაც, Bloomberg-ის თანახმად, გერმანიისგან ხვალ მიიღებენ.
Wall Street Journal-ის და Fox News-ის თანახმად, ამ კვირაში (შესაძლოა ხვალ) თეთრი სახლი უკრაინაში დიდი რაოდენობით M1 Abrams ტანკების გაგზავნის შესახებ გამოაცხადებს!