პოლონეთმა კრაკოვიდან, სამხედრო თვითმფრინავით, საქართველოს 17 მოქალაქის საჩვენებელი დეპორტაცია განახორციელა. პოლონური მხარის ცნობით, დეპორტირებულთა შორის არიან „კრიმინალები“ და „არალეგალები“.
„დეპორტაციები დაიწყო. ჩვენ ფაქტობრივად ვშლით ქართულ ბანდებს. სიტყვები კი არა, ქმედებები“, — დაწერა პოლონეთის პრემიერ-მინისტრმა დონალდ ტუსკმა X-ზე და დეპორტაციის ამსახველ ვიდეო გამოაქვეყნა.
მიგრანტების კრიმინალური ქმედებების აღკვეთა პოლონეთის პრემიერ-მინისტრ დონალდ ტუსკის დაპირების ნაწილია.
მანამდე პოლონეთის პრემიერმინისტრმა განაცხადა, რომ საქართველოს მოქალაქეებს, რომლებმაც პოლონეთში კანონი დაარღვიეს ქვეყნიდან გამოაძევებდნენ.