ვენესუელელი ოპოზიციონერი ლიდერი და ნობელის მშვიდობის პრემიის ლაურეატი, მარია კორინა მაჩადო, ერთწლიანი ემიგრაციის შემდეგ სამშობლოში დაბრუნდა.
მაჩადომ ქვეყანაში შესვლა კოლუმბიის საზღვრიდან, სახმელეთო გზით შეძლო. იგი თავდაპირველად ლარას შტატის ეკლესიაში გამოჩნდა, სადაც შეკრებილმა მოქალაქეებმა ეროვნული ჰიმნი შეასრულეს, რის შემდეგაც მან დედაქალაქისკენ ავტომობილით გადაინაცვლა.
„ეს ქვეყანა ყველას გაკვეთილს უტარებს. ყოველი ოჯახის გაერთიანებისთვის, თითოეული პოლიტპატიმრის თავისუფლებისთვის და ვენესუელის თავისუფლებისთვის!“- განაცხადა მაჩადომ მხარდამჭერებთან შეხვედრისას.
მარია კორინა მაჩადო ვენესუელაში თავისუფალი და სამართლიანი საპრეზიდენტო არჩევნების თარიღის დანიშვნის მოთხოვნით აქტიური მუშაობის გაგრძელებას გეგმავს. ამასთან, ესპანეთში მყოფმა ოპოზიციის ყოფილმა საპრეზიდენტო კანდიდატმა, ედმუნდო გონსალესმა განაცხადა, რომ იგი უახლოეს მომავალში ასევე გეგმავს სამშობლოში დაბრუნებას.