{{ARTICLEIMAGE}}
გურჯაანის სასამართლო გაერთიანებული ოპოზიციის წევრის დავით კირკიტაძის აღკვეთის ღონისძიების საკითხს განიხილავს. პროცესი საპროტესტო აქციის ფონზე მიმდინარეობს.
“ნაციონალური მოძრაობის” წევრის ზაალ უდუმაშვილის განცხადებით, დავით კირკიტაძე არის “კლასიკური გაგებით პოლიტიკური პატიმარი. პოლიტიკური პატიმარი ბიძინა ივანიშვილის და პირადად გიორგი გახარიასი.”
“ჩვენ ვუყურებთ,რომ ქალბატონები ჩაამწკრივეს წინა რიგებში, შემდეგ პროცესზე რას უნდა ველოდოთ, პატარა ბავშვებს ჩააცმევენ პოლიციის ფორმებს და იმათ დააყენებენ. არ ვიცი, ამათ ფანტაზიას საზღვარი არა აქვს. მე მაქვს ერთი კითხვა? ვინ იცავს ჩვენი მოქალაქეების უსაფრთხოებას კახეთის რეგიონში? დარჩა თუ არა პოლიციელი, რომელიც პასუხისგებელია დღეს კახეთში ჩვენი მოქალაქეების უსაფრთხოებაზე. შეხედეთ ხალხო, რა ხდება ასე ეშინიათ საკუთარი ხალხის? მაგრამ უნდა ეშინოდეთ. უნდა ეშინოდეთ, რადგან რაც უფრო მეტ ასეთ ქმედებას ჩაიდენენ სამართალდამცველების ხელით ჩვენი ხელისუფლების წარმომადგენლები, მით უფრო აახლოვებენ თავიანთ დასასრულს. ეს დასასრული ძალიან მალე დადგება”,-განაცხადა გურჯაანში მიმდინარე საპროტესტო აქციაზე მყოფმა ზაალ უდუმაშვილმა.