ტაილანდის პრინცესა ბაჯრაკიტიაბჰა საავადმყოფოში გარდაიცვალა, მას შემდეგ, რაც სამ წელზე მეტი ხნის განმავლობაში კომაში იმყოფებოდა. ამის შესახებ სამეფო სასახლემ პარასკევს განაცხადა. ის 47 წლის იყო.
სასახლის ცნობით, პრინცესას მუცლის ღრუს ინფექცია ჰქონდა და „მისი მდგომარეობა კვლავ უარესდებოდა“.
ბაჯრაკიტიაბჰა ტაილანდის მეფის, მაჰა ვაჩირალონგკორნის, უფროსი ქალიშვილი იყო.
2022 წლის დეკემბერში, ჩრდილო-აღმოსავლეთ პროვინცია ნახონ რატჩასიმაში ვიზიტის დროს, პრინცესამ გულის პრობლემის გამო მოულოდნელად გონება დაკარგა.
ის სამკურნალოდ ვერტმფრენით დედაქალაქ ბანგკოკში გადაიყვანეს და მას შემდეგ საავადმყოფოში იმყოფებოდა.
სასახლის განცხადებით, ის ხუთშაბათ საღამოს „მშვიდად გარდაიცვალა“.
სამეფო სასახლის ცნობით, მისი ცხედარი ბანგკოკის დიდ სასახლეში იქნება დასვენებული, ხოლო დაკრძალვა „სამეფო ტრადიციის მიხედვით, უმაღლესი პატივით“ გაიმართება.
მოსალოდნელია, რომ ტაილანდის მთავრობა ეროვნული გლოვის პერიოდსაც გამოაცხადებს.
