მიხეილ ყაველაშვილი ირანში, აიათოლა ალი ხამენეის დაკრძალვის ცერემონიას დაესწრება. ინფორმაციას პრესსამსახური ადასტურებს.
“საქართველოს პრეზიდენტი, მიხეილ ყაველაშვილი რეგიონის ქვეყნების, მათ შორის თურქეთის, აზერბაიჯანის, სომხეთის და სხვა ქვეყნის ლიდერებთან ერთად, ირანში აიათოლა ალი ხამენეის დაკრძალვის ცერემონიალს დაესწრება.” – უთხრეს ტაბულას პრესსამსახურში.
9 ივლისს თეირანში ოფიციალურ დელეგაციებთან ერთად მიწვეული არიან საქართველოს, თურქმენეთის, პაკისტანის, სომხეთისა და აზერბაიჯანის წარმომადგენლები.
ირანის ვიცე-პრეზიდენტის განცხადებით, უცხო ქვეყნების მაღალი რანგის ოფიციალური პირები პარასკევს თეირანში ჩავლენ, სადაც ირანელ კოლეგებთან ორმხრივ შეხვედრებსაც გამართავენ.