შოტლანდია, უელსი და ჩრდილოეთ ირლანდია დიდი ბრიტანეთის შემადგენლობიდან გასვლის საკითხის განხილვისთვის ემზადებიან – წერს გამოცემა The Telegraph.
დღეს სამი მთავრობის მეთაური კარდიფში შეხვდება ერთმანეთს და თანამშრომლობის შეთანხმების ხელმოწერას გეგმავს, რომელიც დამოუკიდებლობის შესახებ რეფერენდუმების ჩატარების უფლებას ითვალისწინებს.
შოტლანდიის მთავრობის მეთაურმა ჯონ სუინიმ უკვე განაცხადა, რომ ბრიტანეთის დღევანდელ სისტემას მდგრადად არ მიიჩნევს და ვესტმინსტერს მოუწოდა, მოემზადოს „გაერთიანებული სამეფოს შემდგომი მომავლისთვის“.
ბოლო არჩევნებზე ნაციონალისტურმა პარტიებმა გაიმარჯვეს გაერთიანებული სამეფოს სამივე არაინგლისურ ნაწილში: შოტლანდიაში — SNP-მ, უელსში — Plaid Cymru-მ, ხოლო ჩრდილოეთ ირლანდიაში — Sinn Féin-მა. სწორედ ამ პარტიების ლიდერები შეხვდებიან ერთმანეთს კარდიფში.
ამასთან, ბრიტანეთის მთავრობა ამტკიცებს, რომ დამოუკიდებლობის შესახებ რეფერენდუმის ჩატარების ნებართვის გაცემა მხოლოდ მის უფლებამოსილებაში შედის და ამ ეტაპზე ასეთი ნებართვის გაცემას არ აპირებს.