მონუმენტალური ხელოვნების “სახელმწიფო“ კომისიამ მოიწონა წინადადება ე.წ. აფხაზეთის პირველი პრეზიდენტის, ვლადისლავ არძინბას ძეგლის დადგმის შესახებ. აფხაზეთის ე.წ. პრემიერ მინისტრმა, ვალერი ბგანბამ, რომელიც კომისიას ხელმძღვანელობს დავალება გასცა კონკურსის ჩასატარებელი კრიტერიუმები შეარჩიონ, რომლითაც არძინბას ძეგლის საუკეთესო პროექტი გამოვლინდება. კრიტერიუმები არა მხოლოდ სკულპტურის პროექს და არქიტექტურას, არამედ მომავალი ძეგლის ლანდშაფტური ზონის დიზაინსაც უნდა შეიცავდეს.
დე ფაქტო აფხაზეთის რესპუბლიკის პირველი პრეზიდენტი ვლადისლავ არძინბა ამ თანამდებობაზე 1994 წელს აირჩიეს, 1999 წელს კი მეორე ვადით. ის 2010 წელს გარდაიცვალა.
არძინბა აფხაზეთის სეპარატისტული მოძრაობის ერთ–ერთი ლიდერი იყო და აფხაზებისთვის ქართველების წინააღმდეგ ბრძოლის ერთ–ერთი “გმირია“.