ამერიკის შეერთებული შტატების პრეზიდენტი დონალდ ტრამპი კორონავირუსზე ტესტის ჩატარებას არ აპირებს. ამის შესახებ ინფორმაციას თეთრი სახლის განცხადებაზე დაყრდნობით “ბიბისი” წერს.
ამავე გამოცემის მიხედვით, ამერიკის შეერთებული შტატების პრეზიდენტს ბრაზილიელ პოლიტიკოსთან პირდაპირი კომუნიკაცია თითქმის არ ჰქონია. სწორედ ამიტომ კორონავირუსზე ტესტის ჩატარების აუცილებლობა არ არსებობს.
რაც შეეხება დაინფიცირების შესაძლო რისკს, შეგახსენებთ, რომ გასულ კვირას დონალდ ტრამპი შეხვდა ბრაზილიის პრეზიდენტის პრესმდივანს, რომელსაც მოგვიანებით კორონავირუსი დაუდასტურდა. თუმცა, აშშ-ს პრეზიდენტმა განაცხადა, რომ კორონავირუსთან დაკავშირებით არსებული მდგომარეობის გამო, შეხვედრის დროს მისთვის ხელი არ ჩამოურთმევია.
