Facebook-მა ყველა ტიპის ვაქცინის შესახებ დეზინფორმაციის გვარცელება აკრძალა. Covid-19-თან დაკავშირებული დეზინფორმაციის პოლიტიკის ფარგლებში, Facebook ახლა წაშლის სიყალბის გამავრცელებს პოსტებს ყველა ვაქცინასთან დაკავშირებით.
სოციალური ქსელის ადმინისტრაცია გააფართოებს ჯანმრთელობის საკითხებთან დაკავშირებული მცდარი განცხადებების სიას, რომელიც პლატფორმაზე იბლოკება.
აკრძალვა გავრცელდება როგორც მომხმარებლების პოსტებზე, ასევე ფასიან რეკლამებზე, იგივე შეზღუდვები იმოქმედებს Instagram-ის მომხმარებლებისთვისაც.
Facebook–ი აცხადებს, რომ განსაკუთრებულ ყურადღებას გაამახვილებენ გვერდებზე, ჯგუფებსა და მომხმარებელთა ანგარიშებზე, რომლებიც ამ წესებს არღვევენ.
