ევროპარლამენტარი ვიოლა ფონ კრამონ-ტაუბადელი საქართველოში კრიტიკულ და პოლარიზებულ ვითარებაში ივანიშვილს ადანაშაულებს.
მისი თქმით, ივანიშვილს ქვეყანა არ აღელვებს და ხალხი უნდა დაფიქრდეს, ვის მისცემს ხმას მომავალში.
„საქართველოში ვითარება კრიტიკული და პოლარიზებულია, რაც გამოწვეულია ბიძინა ივანიშვილის მიერ. გადაწყვეტილებებს სწორედ ის იღებს ისეთს, რომელიც მას აწყობს და არა ქვეყანას – ეს უნდა იცოდეს ხალხმა. გვჭირდება დამოუკიდებელი სასამართლო – ბევრი საქმეა ბუნდოვანი. მესამე საკითხი არის საარჩევნო სისტემა – შეთანხმებას პოლიტიკოსებმა არჩევნებამდე უნდა მიაღწიონ. მთავრობაზეა დამოკიდებული, წარმოადგინოს კომპრომისული გეგმა. ფაქტიურად, ივანიშვილს არ აღელვებს ქვეყანა და ხალხი უნდა დაფიქრდეს, ვის მისცემს ხმას შემდგომში. მიუხედავად იმისა, რომ ასოცირების ხელშეკრულება არსებობს, მცირდება ვაჭრობა – ქართული მხრიდან ინიციატივები არ არსებობს. იმის ნაცვლად, რომ მეტი ქართული პროდუქტი შემოვიდეს, იზრდება ევროპული ტვირთი საქართველოში”, – აცხადებს ვიოლა ფონ კრამონ-ტაუბადელი.
