ბოლო ხუთი წლის განმავლობაში ევა მენდესი საბოლოოდ გადაიქცა ვარსკვლავიდან ორი ქალიშვილის დედად და რაიან გოსლინგის ყურადღებიან მეუღლედ. ახლახანს ჰოლივუდის ვარსკვლავს კიდევ ერთი ამპლუა გამოუჩნდა – ქალის ტანსაცმლის დიზაინერი. თუმცა ამის მიუხედავად დროის უდიდეს ნაწილს მაინც ოჯახს უთმობს.
მსახიობი ფოტოგრაფებმა ამ დღეებში ლოს ანჟელესის ერთ–ერთი კაფედან გამოსვლისას შენიშნეს, სადაც პედიკურის და მანიკურის გაკეთების შემდეგ შეიარა, სანამ უფროს ქალიშვილს, ოთხი წლის ესმერალდას ხატვის გაკვეთილიდან გამოიყვანდა.
შეიძლება ითქვას, რომ ყოველდღიურ ცხოვრებაში და მოკრძალებულ სამოსშიც ევა შესანიშნავად გამოიყურება. მას როგორც ირკვევა არა მხოლოდ სექსუალური ლამაზმანის იმიჯი უხდება, არამედ კოპლებიანი კაბა, ქოშები და თავზე წაკრული ნაჭერი.
