ცენტრალური კრიმინალური პოლიციის დეპარტამენტის დირექტორის, მამუკა ჭელიძის განმარტებით, 112–ში ზარის შესვლიდან შსს–მ თამარ ბაჩალიაშვილის ძებნა დაიწყო, თუმცა რადგანაც მისი მანქანა და ცხედარი კამერის მიერ დაფიქსირებული ტერიტორიიდან 15 კილომეტრში აღმოჩნდა, მას პოლიციამ ვერ მიაკვლია.
“დაგროვდა ბოლო დღეებში საზოგადოებაში კითხვაში მანქანის დროულად პოვნასათან დაკავშირებით. მინდა გითხრათ, რომ სამძებრო სამუშოები განხორციელდა და დაიწყო პირველივე შეტყობინებისთანავე, რომელიც შევიდა პოლიციაში. ბოლო ლოკაცია, სადაც მისი ავტომანქანა დაფიქსირდა, არის სოფელი ხაიში. ამ კუთხით მთელი რესურსი, დეტალური შესწავლით მიზნით[…], ამ ტერიტორიაზე მოხდა, როგორც ადგილობრივი მოსახლეობის გამოკითხვა, ისე შესაძლო გადაადგილების მარშრუტის შესწავლა. სამწუხაროდ, ამ ლოკაციაზე ვერ იქნა მოძიებული მისი ავტომანქანა, იქიდან გამომდინარე, რომ დაახლოებით 15კმ–ს დაშორებით უკვე სხვა სოფელში, დაუსახლებელ ადგილში აღმოჩნდა გარდაცვლილის ავტომანქანა”,– თქვა ჭელიძემ ბრიფინგზე.
მანვე აღნიშნა, რომ მანქანა შენიშნა შემთხვევით გამვლელმა არასრულწლოვანმა მწყემსმა, რომელიც გამოიკითხა.
23 წლის თამარ ბაჩალიაშვილი 5-დღიანი ძებნის შემდეგ 22 ივლისს, თეთრიწყაროს ტყეში, საკუთარ მანქანაში გარდაცვლილი იპოვეს.