{{ARTICLEIMAGE}}
აშშ-მ სირიიდან ჯარების გაყვანა დაიწყო.
ამის შესახებ თეთრი სახლის პრესმდივანმა სარა სანდერსმა განაცხადა. მისი თქმით, ტერორისტული დაჯგუფება “ისლამური სახელმწიფოს” “ტერიტორიული სახალიფო” დამარცხებულია. სანდერსის გამოსვლამდე მედიაში გავრცელდა ინფორმაცია, რომ აშშ სირიიდან ჯარების მთლიანად გასაყვნად ემზადებოდა.
“ისლამურ სახელმწიფოსთან” ბრძოლაში გამარჯვებები “არ ნიშნავს გლობალური კოალიციის, ან მისი კამპანიის დასრულებას. დავიწყეთ შეერთებული შტატების ჯარისკაცების შინ ჩამოყვანა – გადავდივართ რა ამ კამპანიის შემდეგ ეტაპზე”, განაცხადა სანდერსმა.
მანამდე პრეზიდენტმა დონალდ ტრამპმა ტვიტერში დაწერა, რომ სირიაში “ისლამური სახელმწიფო” დამარცხებულია და სწორედ ეს იყო სირიაში ამერიკის ჯარების ყოფნის “ერთადერთი მიზეზი”.
ამჟამად სირიაში განთავსებულია 2000-მდე ამერიკელი ჯარისკაცი, რომელთა დიდი ნაწილი “ისლამურ სახელმწიფოსთან” მებრძოლ ქურთ და არაბ მეომრებს ეხმარება.