ზავის მიუხედავად, ირანმა ჰორმუზის სრუტე დაკეტა. ინფორმაციას ამის შესახებ, ირანის სახელმწიფო მედია Fars News agency იუწყება.
მედიის ინფორმაციით, სრუტის დაკეტვა ისრაელის არმიის მიერ ლიბანში ირანის მიერ მხარდაჭერილი ჰეზბოლას წინააღმდეგ განხორციელებულ მასიურ შეტევებს მოჰყვა.
გემების მონიტორინგის სერვისის ინფორმაციით, ზავის გამოცხადების შემდეგ სრუტის გავლა მხოლოდ ორმა ტანკერმა მოახერხა.
აშშ-ის მიერ ირანზე დაგეგმილი სამხედრო თავდასხმა ორკვირიანი ზავის საფუძველზე შეჩერებულია.