ევროკავშირის კვიპროსის თავმჯდომარეობის ცნობით, ევროკავშირის ელჩებმა უკრაინისთვის 90 მილიარდი ევროს ოდენობის სესხის გამოყოფასა და რუსეთის წინააღმდეგ სანქციების მე-20 პაკეტს მწვანე შუქი აუნთეს.
„ახლა ეს ევროკავშირის საბჭოს მიერ საბოლოო დამტკიცებისთვის წერილობით პროცედურას გაივლის“, – განაცხადა კვიპროსის თავმჯდომარეობის წარმომადგენელმა.
ევროკავშირის სასესხო პაკეტი მომდევნო ორი წლის განმავლობაში უკრაინის ფინანსურ დახმარებას გულისხმობს. სესხის დაფარვა მაშინ მოხდება, როცა რუსეთი უკრაინას ომისთვის რეპარაციას გადაუხდის. მანამდე კი რუსული აქტივები გაყინული დარჩება და ევროკავშირი შეინარჩუნებს უფლებას, რომ სესხი რუსული აქტივების მეშვეობით დაფაროს, “ევროკავშირისა და საერთაშორისო სამართლის შესაბამისად”.
მანამდე უკრაინამ განაცხადა, რომ მილსადენი “დრუჟბას” დაზიანებული მონაკვეთი უკვე შეკეთებულია და მილსადენის მეშვეობით უნგრეთსა და სლოვაკეთს კვლავ მიეწოდებათ რუსული ნავთობი.
