ვენესუელაში მიწისძვრის შედეგად დაღუპულთა რაოდენობა 235-მდე გაიზარდა, დაშავებულია 1500-ზე მეტი ადამიანი.მაშველები ნანგრევებში მოყოლილების ძებნას განაგრძობენ. კარაკასსა და მიმდებარე ქალაქ ლა გუაირაში ისმის ადამიანების ხმები, რომლებიც დანგრეული შენობების ნანგრევებიდან დახმარებას ითხოვენ.
შიშობენ, რომ დაღუპულთა რაოდენობა გაცილებით მეტია. ბევრი ადამიანი უსახლკაროდ არის დარჩენილი ან დაზიანებულ, სახიფათო შენობებში დარჩენის ეშინიათ და ღამეს ქუჩებში ათენებენ.
შეგახსენებთ, ვენესუელაში ზედიზედ ორი ძლიერი მიწისძვრა მოხდა. პირველი, 7.2 მაგნიტუდის სიმძლავრის მიწისძვრა კარაკასის დასავლეთით დაფიქსირდა, რასაც 39 წამის შემდეგ უფრო ძლიერი მიწისძვრა მოჰყვა, რომლის სიმძლავრემ 7.5 მაგნიტუდა შეადგინა.
