“შემცირებულია ზიზღის გამომხატველი პოსტები სოციალურ ქსელებში ” – განაცხადა ივანიშვილის წარმომადგენელმა მამუკა მდინარაძემ.
“რა თქმა უნდა, სტატისტიკურად რომ მივუდგეთ და ციფრების და რიცხვების დონეზე, რომ მივიდეთ, რა თქმა უნდა, მნიშვნელოვნად არის შემცირებული. მაგრამ ჩვენი მიზანი ვთქვათ გულწრფელად რა არის, ყველასი ალბათ, ნებისმიერი ქართველის, რომელიც თავის ქვეყანაზე, ადამიანებს შორის ურთიერთობაზე და რაიმე პოზიტიურზე და არა ყოველდღიურად რაღაც ადამიამების ტვინში რაღაც ნეგატიურის ჩაწვეთებაზე ფიქრობს, არის ის რომ ადამიანებმა ერთმანეთის შეურაცხყოფა ნორმად არ მიიღონ და წესად არ დაიმკვიდრონ და ამას ემსახურება სწორედ ეს მიდგომა.
შეიძლება დღეს იყოს მკაცრი სამართლებრივი პოლიტიკა და მკაცრი სამართლებრივი გადაწყვეტა ამ მიმართებით, მაგრამ ეს გრძელვადიან, საშუალოვადიან პერსპექტივაშიც უზრუნველყოფს იმას, რომ ნორმად ვერ იქცევა შეურაცხყოფა, ამისათვის უნდა დაისაჯოს. რაღაც პერიოდის შემდეგ შეიძლება 10 წლის შემდეგ, ეს იყოს მორალიდან გამომდინარე ქცევა ადამიანის, მაგრამ დღეს როგორც ხედავთ საჭირო გახდა სამართლებრივი უზრუნველყოფა მომხდარიყო ამ ყველაფრის.
ამიტომ, ძალიან კარგია რომ ამას უკვე შედეგები აქვს, შემცირებულია სიძულვილის, ზიზღის გამომხატველი პოსტები სოციალურ ქსელებში, მიმართვები და ასე შემდეგ და ამ შედეგზე თუ გავალთ ეს არის უდაოდ და უალტრერნატივოდ ძალიან კარგი გადაწყვეტა, რაც ადამიანებს შორის ურთიერთობების ნორმალიზებას შეუწყობს ხელს.
ყველამ უნდა იცოდეს, რომ რაც არ უნდა გარედან დაავალონ ვიღაცებს, ნორმა ვერ იქნება დედის გინება და შეურაცხყოფა, გამოხატვის თავისუფლება ვერ იქნება ადამიანის ღირსების შელახვა, წარმოუდგენელია. ამას შეეგუონ და მიიღონ ის მკაცრი სასჯელი, სახდელი უფრო სწორად ამ შემთხვევისთვის და შემდგომში თუ რეციდიულად მიჰყვებიან იგივე საქმიანობას, სასჯელიც, რომელიც ქართულმა სამართლებრივმა პოლიტიკამ ასე გადაწყვიტა.” – ამბობს მდინარაძე მედიასთან.