ბორჯომში, ლიკანის ტერიტორიაზე ავტოსაგზაო შემთხვევის შედეგად სავარაუდოდ 13 ადამიანი დაშავდა. ერთმანეთს სამგზავრო მიკროავტობუსი და ავტომანქანა შეეჯახა. დაშავებულები ბორჯომის კლინიკაში გადაიყვანეს. მათ სხვადასხვა სახის მოტეხილობები, დაჟეჟილობები და ღია ჭრილობები აღენიშნებათ
მომხდარზე შსს-მ გამოძიება 276-ე მუხლის მეორე ნაწილით დაიწყო, რაც გულისხმობს სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.