ზაალ ლატარია, რომელიც გუშინ პოლიციამ პოლიტიკოსის პირადი ცხოვრების ამსახველი ფარული ჩანაწერების საქმესთან დაკავშირებით ბათუმში მოწმის საკით გამოკითხა, დაკავებულია. გამოძიება მას კადრების შენახვასა და მობილური ინტერნეტაპლიკაციის მეშვეობით გავრცელებას ედავება. პოლიციამ ბრალდებულის საცხოვრებელ სახლში მოსამართლის განჩინების საფუძველზე ჩხრეკაც ჩაატარა. დაკავებამდე ზაალ ლატარიამ განაცხადა, რომ მის მიმართ დევნა მიმდინარეობს. ის უკრაინაში იბრძოდა და მისი შვილიც ადასტურებს, რომ “2016 წლის შემდეგ, რაც საქართველოში ჩამოვიდა, მას “მიშას კაცს” ეძახდნენ – ნარკოტიკი ჩაუდეს, რაზეც გამართლდა, შემდეგ კი არაერთხელ გააფრთხილეს, რომ ქვეყანა დაეტოვებინა”.
“ედავებიან ეკა ბესელიას პირადი ცხოვრების კადრების გავრცელებას, რასთან კავშირიც არ ჰქონია მამაჩემს. უბრალოდ, ყალბი ანგარიშით გაუგზავნეს, გახსნა და წაშალა. პოლიტიკური დევნაა, მიზეზი ალბათ ის არის, რომ პოლიტიკური აქტივისტი იყო – და “ნაციონალური მოძრაობის” მხარდამჭერია”ამბობს ლანა ლატარია.
“ნაციონალური მოძრაობის ერთ-ერთინ ლიდერი გიორგი ბარამიძე კი ამბობს, რომ დაკავებული ზაალ ლატარია მათი ხმარდამჭერი და აქტივისტია და ვარაუდობს, რომ სწორედ ამიტომ მას სუს-მა გაუგზავნა ფარული ჩანაწერი და ახლა კადრების ნახვის გამო აკავებენ, რომ ამ მეთოდით “ნაციონალური მოძრაობის” მომხრეები დააშინონ.
პირადი ცხოვრების ამსახველი ჩანაწერების გავრცელების საქმეზე მიმდინარე გამოძიების ფარგლებში, სულ 18 პირია დაკავებული. შსს აცხადებს, რომ ყველა იმ პირის მიმართ, ვინც გამიზნულად ან სხვაგვარად ახდენს პირადი ცხოვრების ამსახველი მასალების გავრცელებას, კანონმდებლობით გათვალისწინებული ზომები გატარდება.
