პრემიერ-მინისტრმა დღევანდელ ბრიფინგზე ეკონომიკის მინისტრის გიორგი ქობულიას სახლის გაქურდვის ფაქტზე ჟურნალისტების დასმულ შეკითხვას უპასუხა. მამუკა ბახტაძის განცხადებით, „ქართული ოცნების“ ხელისუფლებაში არ არიან პრივილეგირებული პიროვნებები და ეს შეიძლება ყველგან მოხდეს.
“ვითომ შსს-მ არ დაადასტურა ეს საკითხი თუ დამალა და ა.შ. შს სამინისტრომ დაიწყო გამოძიება და ეს ინფორმაცია არის საჯარო და თუ იმას მეკითხებით, რატომ მაინცდამაინც რომელიმე მინისტრის სახლი, ჩემი პასუხი იქნება, რომ ჩვენს ხელისუფლებაში არ არიან პრივილეგირებული პიროვნებები. ასეთი რამ ყველგან შეიძლება მოხდეს“, – განაცხადა ბახტაძემ.