ტრაგიკულად დაღუპული არგენტინელი ფეხბურთელის ემილიანო სალას მამა ორსაიო სალა, შვილის გარდაცვალებიდან 3 თვის თავზე, გარდაიცვალა. 58 წლის სალას
მოულოდნელი გარდაცვალების მიზეზი გულის შეტევა გახდა.
ემილიანო სალა 2019 წლის 21 იანვარს ავიაკატასტროფაში დაიღუპა.არგენტინელი ფეხბურთელი მცირე ზომის თვითმფრინავში იმყოფებოდა და ნანტიდან კარდიფში მიფრინავდა.
ემილიანო სალა 20 წლის ასაკში სამშობლოდან საფრანგეთში გადაბარგდა და თამაში „ბორდოს“ ახალგაზრდულ გუნდში დაიწყო, 2012 წელს კი მთავარ გუნდშიც ჰქონდა დებიუტი.
ემილიანო სალა „კარდიფ სიტიმ“ საფრანგეთის „ნანტიდან“ 20 მილიონ ევროდ შეიძინა. ფეხბურთელმა კონტრაქტს ხელი ავიაკატასტროფამდე 1 კვირით ადრე მოაწერა.