საქართველოს მთავრობა უკრაინას გენერატორებს გაუგზავნის – შესაბამის განკარგულებას ხელი, “ქართული ოცნების” პრემიერ-მინისტრმა, ირაკლი კობახიძემ მოაწერა.
“განკარგულება, რომელსაც ხელს აწერს პრემიერ-მინისტრი ირაკლი კობახიძე, მთავრობამ დღევანდელ სხდომაზე დაამტკიცა.
1 500 000 ლარის ღირებულების სხვადასხვა ტიპის გენერატორებს უკრაინისთვის გადასაცემად საქართველოს ენერგეტიკის განვითარების ფონდი შეისყიდის” – ნათქვამია კობახიძის მთავრობის ადმინისტრაციის მიერ გავრცელებულ ინფორმაციაში.
აქამდე, 2022 წლის დეკემბერში საქართველომ უკრაინას 25 გენერატორი გაუგზავნა.