დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილე, პაატა იმნაძე მოქალაქეებს რამდენიმე რჩევას აძლევს გრიპთან საბრძოლვლევად. იმნაძე ამბობს, რომ პაციენტისთვის არავითარი მნიშვნელობა არ აქვს, რომელი ვირუსით (H1N1 – H3N2) დაინფიცირდება – მთავარი პროფილაქტიკისა და მკურნალობის ზოგადი პრინციპების დაცვაა:
პაატა იმნაძის რჩევით: თუ ბავშვს ტემპერატურა 38,5-ს ზემოთ აეწევა და ეს მდგომარეობა თუნდაც ერთი დღით გაგრძელდება, აუცილებლად უნდა მიმართოთ ექიმს. იგივე ეხებათ ორსულებსაც.
ასევე ექიმს უნდა მიმართოთ აუცილებლად თუ: 38,5 და მეტი ტემპერატურა სამი დღის განმავლობაში გაგრძელდება; ნახველში სისხლის ნაწილაკები გაჩნდება, თუნდაც მცირე რაოდენობით; ნახველში ჩირქს შენიშნავთ. გარდა ამისა, საყურადღებო რჩევა : ანტიბიოტიკი მხოლოდ ბაქტერიული გართულების შემთხვევაში ინიშნება. ისინი ვირუსის მკურნალობისას არაეფექტურია. საჭიროების შემთხვევაში მკურნალობაში ანტივირუსული პრეპარატების ჩართვის გადაწყვეტილება ექიმმა უნდა მიიღოს. მიიღეთ ბევრი სითხე და ჯანსაღი საკვები.
სხვა შემთხვევებში: პაციენტები უნდა იმყოფებოდნენ სახლში, მშვიდ გარემოში, ფიზიკური დატვირთვის გარეშე. მნიშვნელოვანია ჰიგიენური წესების დაცვა:დაცემინებისა და ხველების დროს, ხელის ნაცვლად ავიფაროთ ხელსახოცი – ხშირად დავიბანოთ ხელები.
