22 ივნისის ღამეს რუსეთმა უკრაინაზე მორიგი მასირებული დარტყმა განახორციელა, რასაც კიევმა მოსკოვის მიმართულებით რეკორდული საპასუხო იერიშით უპასუხა.
რუსეთმა უკრაინის მიმართულებით 88 დრონი და ბალისტიკური რაკეტა „ისკანდერ-მ“ გაუშვა. უკრაინის საჰაერო თავდაცვამ 79 დრონი ჩამოაგდო, თუმცა დარტყმებს ჯამში 7 მშვიდობიანი მოქალაქე ემსხვერპლა სუმის ოლქში, ზაპოროჟიეში და ოდესის ოლქში.
რუსულ იერიშს შავ ზღვაში – თურქულ მშრალტვირთმზიდ გემზე – 1 ეგვიპტელი მეზღვაური ემსხვერპლა. უკრაინული მხარის ცნობით, წუხელ, რუსულმა დრონებმა მიზანში ამოიღეს არა მხოლოდ თურქული გემი, არამედ პარალელურად დაესხნენ თავს პალაუსა და ბელიზის დროშის ქვეშ მცურავ კიდევ სამ სამოქალაქო გემს, რომლებიც უკრაინის პორტებისკენ მიემართებოდნენ.
უკრაინამ საპასუხოდ 300-ზე მეტი დრონი გაუშვა რუსეთის სიღრმეში. აქედან 60-ზე მეტი დრონი უშუალოდ მოსკოვის შემოგარენში ჩამოაგდეს. თავდასხმის გამო მოსკოვის ოთხივე მთავარმა აეროპორტმა მუშაობა სრულად შეაჩერა და საჰაერო სივრცე დროებით ჩაიკეტა
