ნორვეგიის პრემიერ-მინისტრმა იონას გარ სტიორემ განაცხადა, რომ უკრაინის პრეზიდენტ ვოლოდიმირ ზელენსკისა და მისი მეუღლის თვითმფრინავს მოლდოვიდან ოსლოში გადაფრენისას დრონი ცოტათი ასცდა. ამის შესახებ იუწყება ნორვეგიის საზოგადოებრივი მაუწყებელი NRK, ინფორმაციას Ukrainska Pravda ავრცელებს.
სტიორეს თქმით, ზელენსკის თვითმფრინავს “კინაღამ დრონი დაეჯახა, როდესაც ის მოლდოვიდან ოსლოს მიმართულებით გაფრინდა”. მისივე სიტყვებით, “ეს არის რეალობა, რომელშიც მას ცხოვრება უწევს”. ნორვეგიის პრემიერ-მინისტრს დამატებითი დეტალები არ დაუკონკრეტებია.
ზელენსკი ოსლოში ნორვეგიის მეფის, ჰარალდ V-ის, სახელმწიფო დაკრძალვის ცერემონიას დაესწრო.
8 სექტემბერს მოლდოვის თავდაცვის სამინისტრომ განაცხადა, რომ ქვეყნის საჰაერო სივრცე უპილოტო საფრენმა აპარატმა დაარღვია, რომელიც, სავარაუდოდ, “შაჰედის” ტიპის იყო. საჰაერო სივრცის დარღვევა ადგილობრივი დროით დაახლოებით 16:20 საათზე მოხდა.იმავე დღეს რუმინეთმა სავარაუდო საჰაერო სივრცის დარღვევის გამო ავიაგამანადგურებლები ააფრინა და ქალაქ იაშის აეროპორტის მუშაობა დროებით შეაჩერა.9 სექტემბრის ღამეს რუსულმა დრონებმა უკრაინისა და მოლდოვის საზღვარზე სასაზღვრო ინფრასტრუქტურას მორიგი იერიში მიიტანეს.