აშშ-ის ფინანსთა სამინისტროს უცხოური აქტივების კონტროლის ოფისმა (OFAC) რუსეთის აქტივებით მეორე უმსხვილესი ბანკი, VTB, ირანთან დაკავშირებულ სანქციათა სიებში შეიყვანა. ამის შესახებ აშშ-ის ფინანსთა სამინისტროს მიერ ორშაბათს, 14 სექტემბერს გამოქვეყნებულ პრესრელიზშია ნათქვამი.
სანქციების დაწესების მიზეზად უწყება VTB-ის მონაწილეობას ასახელებს ირანის წინააღმდეგ მოქმედი სანქციების გვერდის ავლაში. აშშ-ის ფინანსთა სამინისტროს მტკიცებით, ბანკმა ირანში წარმომადგენლობები გახსნა, ანგარიშსწორებებს ახორციელებდა სანქცირებულ ირანულ ბანკებთან, მონაწილეობდა გაყინული ირანული აქტივებიდან მილიარდობით დოლარის გადაადგილებაში და შექმნა ეროვნულ ვალუტებში ანგარიშსწორების სისტემა — ირანულ რიალებსა და რუსულ რუბლებში კორესპონდენტული ანგარიშების საშუალებით, ორმხრივი ვაჭრობის გასაზრდელად.
VTB აშშ-ის სექტორული სანქციების ქვეშ 2014 წლის ივლისიდან იმყოფება — ყირიმის ანექსიის გამო. 2022 წლის თებერვალში კი, უკრაინაში სრულმასშტაბიანი ომის დაწყების შემდეგ, ვაშინგტონმა ბანკის წინააღმდეგ დამბლოკავი სანქციები დააწესა.