“მოძრაობა ხალხისთვის” ერთერთი ლიდერი, იუსტიციის უმაღლესი საბჭოს ყოფილი არამოსამართლე წევრი ანა დოლიძე აცხადებს, რომ მაჟორიტარად კენჭისყრას განიხილავს.
მისი თქმით, ის კენჭყისრას თბილისის რომელიმე ოლქში ან გურიაში ფიქრობს.
„მაჟორიტარად ჩემს კანდიდატურას განვიხილავ და კონსულტაციებსაც ვაწარმოებ. არა მარტო თბილისზე, გურიაზეც ვფიქრობ. ვიქნები ან თბილისში ან გურიაში. თბილისში ოლქი შერჩეული არ მაქვს, ჯერჯერობით ვფიქრობ. ამიტომაც ვმუშაობ მოსახლეობასთან. ისე არ ვარ, რომ დედამიწაზე მე ვიცი ყველაფერი და ხალხი არ მჭირდება. ჩვენს მანიფესტშიც ეს წერია, ხალხისგან უნდა იყოს დაკვეთა. მაჟორიტარობას სჭირდება ძალიან დიდი რესურსი. ახლა ეს არის უსერიოზულესი ბრძოლა დღეს იმიტომ, რომ უზარმაზარი ოლქებია. ამას სჭირდება სერიოზული დაფიქრება და დაგეგმვა. ამაზე ვმუშაობ“, – განაცხადა დოლიძემ პალიტრანიუსის ეთერში.