მოძრაობა “დაიცავი საქართველოს“ ლიდერმა დღეს მედიისთვის სპეციალური განცხადება გააკეთა. მოძრაობა 13 აპრილს 14 საათზე ფილარმონიაში იკრიბება და თანამოაზრეებს იწვევს.
“მათ ვისაც მიაჩნია რომ საქარველოს ვალინდელი დღე გასათავისუფლებელია ივანიშვილ–სააკაშვილის უკვე უსფუძვლო და უსაგნო დაპირისპირებისგან, რომელიც მხოლოდ ძალაუფლებისთვის ბრძოლის ველად გადაიქცა და დაცლილია ზნეობრივი შინაარსისგან, შემოგვიერთდით 13 აპრილს ორ საათზე ფილარმონიაში დაიცავი საქართველოს საგანგებო შეკრებაზე.
მათ, ვისაც მიაჩნია რომ ოცნებასა და ნაციონალებს შორის მორალური ზღვარი წაიშალა და დაპირისპირებას აღარ აქვს ღირებულებითი საფუძველი, შემოგვიერთდით.
მათ, ვინც განსაცდელში ინარჩუნებდით ღირსებას და მომავალში ღირსებით ცხოვრებას აპირებთ, შემოგვიერთდით.
ნაციონალური მოძრაობა წარსულს უარყოფს, ოცნებამ კი მომავალი უარყო.
შევეცადოთ შევქმნათ ასპარეზი ახალი ქართული მომავლის თვის რომელსაც მეხსიერებაც ექნება და პერსპექტივაც, შემოგვიერთდით.“
ამ განცხადების წაკითხვის შემდეგ მაღრაძემ დააკონკრეტა, რომ ფილარმონიაში შეკრება საორგანიზაციო შეხვედრა არ იქნება და ისინი ფართო საზოგადოებას იწვევენ. განსაკუთრებით ახალგაზრდობას, რადგან მაღრაძის თქმით მათი მოძრაობა “თავისუფლებისთვის ბრძლის ესტაფეტაა, რომლის დროშა მომავალმა თაობამ უნდა ატაროს.“
მაღრაძე ორგანიზაციის მომავალ წევრებს ჯერჯერობით არ ასახელებს და ამბობს, რომ დიდი სიამოვნებით მიიღებენ ყველას, ვინც მზად არის თავისუფლებისთვის ბრძოლაში მიიღოს მონაწილეობა.
