{{ARTICLEIMAGE}}
შინაგან საქმეთა სამინისტროს კახეთის პოლიციის დეპარტამენტის თანამშრომლებმა 16 დეკემბერს, კახეთში მომხდარი ინციდენტის დროს, 1960 წელს დაბადებული ქ.მ. მოსამართლის განჩინების საფუძველზე თბილისში დააკავეს. უწყების განცხადებით, გამოძიებით დადგინდა, რომ ქ.მ.-მ სოფელ ველისციხესთან პოლიციის ავტომანქანა დააზიანა.
“შინაგან საქმეთა სამინისტრომ ინციდენტში მონაწილე ქ.მ. სისხლის სამართლის კოდექსის 187-ე მუხლის პირველი ნაწილით გათვალისწინებული დანაშაულისთვის დააკავა, რაც სხვისი ნივთის დაზიანებას გულისხმობს. შინაგან საქმეთა სამინისტროში ტარდება ყველა საჭირო საგამოძიებო-საპროცესო მოქმედება, გრძელდება ინციდენტების ამსახველი ვიდეომასალის შესწავლა”,წერია შსს-ს ინფორმაციაში.
საუბარია ველისციხეში მომხდარ დაპირისპირებაზე, რაც თელავში აქციის ჩასატარებლად განწყობილი ოპოზიციისთვის პოლიციის მიერ გზის ჩაკეტვას და ალტერნატიული მარშუტის შეთავაზებას მოჰყვა – სწორედ ამ დროს ერთ-ერთი პირი სამართალდამცავებთან შეხლა-შემოხლისას პოლიციის მანქანაზე აძვრა.
