თბილისში სწრაფი ჩარიცხვის აპარატებს იტაცებენ- ამის შესახებ სოციალურ ქსელში მოქალაქეები წერენ.
ერთ-ერთი ფაქტის ამსახველი ფოტო მოქალაქე ქეთი ლომიძემ განათავსა. მისი ინფორმაციით, შემთხვევა გუშინ თბილისის ცენტრში ჭავჭავაძის 31 ნომერში ეზოში მოხდა, ადგილზე პოლიციელები მეზობლების გამოძახების საფუძველზე მივიდნენ,თუმცა სხვა დეტალები უცნობია.
სწრაფი ჩარიცხვის აპარატის მოპარვის ამსახველ ფოტოს მალევე მოჰყვა გამოხმაურება სოციალურ ქსელში. “ფეისბუქის” მომხმარებლები ქვეყანაში კრიმინალის ზრდით შეშფოთებულები არიან და სხვა კრიმინალურ შემთხვევებსაც იხსენებენ.
აპარატის მოპარვის ფაქტი სანზონაშიც მოხდა, თვითმხილველების განცხადებით, სწრაფი ჩარიცხვის აპარატი მეტრო “ღმრაღელეს” მიმდებარე ტერიტორიაზე შენიშნეს. შინაგან საქმეთა სამინისტროს მომხდარზე ჯერჯერობით კომენტარი არ გაუკეთებია.
