„სტრატეგია აღმაშენებლის“ ლიდერი გიორგი ვაშაძე ფიქრობს, რომ მიხეილ სააკაშვილი საქართველოში უნდა დაბრუნდეს და ქვეყნის განვითარებაში მონაწილეობა მიიღოს.
მისი თქმით, კოალიციას ნაციონალურ მოძრაობასთან ხედავს და სწორედ ამ კოალიციის პრემიერმინისტრობის კანდიდატი იქნება.
„თუ სააკაშვილზე გაინტერესებთ, ვფიქრობ, რომ შესაძლებლობა უნდა მიეცეს ჩამოვიდეს ქვეყანაში და ქვეყნის განვითარებაში მონაწილეობა მიიღოს. მორჩა და დამთავრდა. მე არ ვარ კომენტატორი, რატომ უნდა გავაკეთო კომენტარის კომენტარი? – წადით და მის პარტიას ჰკითხეთ. ჩემს მოსაზრებას გეუბნებით, რომ მიუხედავად დარღვეული შეთანხმებებისა, ვხედავ „ნაციონალურ მოძრაობას“ ჩვენთან ერთად კოალიციაში. ამ კოალიციის პრემიერ-მინისტრობის კანდიდატი ვიქნები მე, მორჩა და დამთავრდა!“ – განაცხადა გიორგი ვაშაძემ.
