ქართული ოცნების თავმჯდომარე ირაკლი კობახიძე აცხადებს, რომ ნიკა მელიას გირაო ამნისტიის ალტერნატივა არ არის.
“მნიშვნელოვანია, რომ გირაო იყოს გადახდილი და მან მიიღოს ეს გირაო, ეს არის ჩვენთვის პრინციპულად მნიშვნელოვანი, მაგრამ გირაო რომც მიიღოს მელიამ, ის გამოვა წინასწარი პატიმრობიდან, მაგრამ თუ დადგება მის მიმართ გამამტყუნებელი განაჩენი, ის შებრუნდება ციხეში. ამიტომ, ამნისტიის ალტერნატივა გირაო ვერ იქნება”,- ამბობს კობახიძე.
მისივე შეფასებით, “კაცური საქციელი არ არის”, როცა მელია ევროკავშირის გირაოზე თანამხაა, თუმცა ამნისტიის მიღებას ეწინააღმდეგება.
“როდესაც მელია ამბობს, რომ ის მზადაა აღიაროს გირაო, გამოვიდეს, ოღონდ ამნისტია არ იყოს მიღებული, ეს თავისთავად კარგია, იმიტომ, რომ ეს არის უკან დახევა, მაგრამ მას მინდა ვუთხრა, რომ ეს არ არის კაცური საქციელი. როდესაც ის ამბობს, რომ გირაოს გადაიხდის და გამოვა, მაგრამ ის ადამიანები ვინც მისგან იყვნენ გაბრიყვებული და უტევდნენ პარლამენტს, უნდა შევიდნენ ციხეში, ეს კაცური საქციელი არ არის. მან კაცურად უნდა მიიღოს ყველაფერი, რაც არის გაწერილი მათ შორის შეთანხმებაში”,- აღნიშნა კობახიძემ.