ახალდაბის გზაზე მოზარდს მანქანა დაეჯახა, რის შედეგადაც მოზარდი გარდაიცვალა.
შსს–ს ინფორმაცით, ავტომობილის მძღოლი არაფხიზელ მდგომარეობაში იყო და ის უკვე დაკავებულია.
მოზარდი მარიამ წიკლაური გორის მე–6 საჯარო სკოლის მე-10 კლასის მოსწავლე იყო. ის დღეს დილით კლინიკაში გარდაიცვალა. გარდაცვლილ გოგონასთან ერთად დაშავდა კიდევ ორი ბავშვი.მათ სიცოცხლეს საფრთხე არ ემუქრება.
ფაქტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ახალდაბასთან მომხდარ ავტოსაგზაო შემთხვევაზე, რასაც მეათე კლასის მოსწავლე ემსხვერპლა, დეტალები ხდება ცნობილი.
მედიასთან საუბრისას გორის მე- 6 საჯარო სკოლის დირექტორი მარიამ ნუცუბიძე ამბობს, რომ მოზარდები სტუმრად იყვნენ ახალდაბაში, საიდანაც გუშინ საღამოს გორში ფეხით მიდიოდნენ. სწორედ გზაზე დაეჯახათ მათ მანქანა.