იტალიამ AstraZeneca-ს 250 ათასი დოზა ვაქცინის ავსტრალიაში ექსპორტი დაბლოკა.
იტალია ევროკავშირის პირველი ქვეყანაა, რომელმაც ექსპორტის შეჩერების ახალი წესი გამოიყენა, რომელიც შესაძლებლობას იძლევა, ექსპორტი შეჩერდეს, თუ ვაქცინის მწარმოებელი კომპანია ევროკავშირის წინაშე აღებულ ვალდებულებებს არ ასრულებს. ამ ნაბიჯს მხარი დაუჭირა ევროკომისიამაც.
იტალიის საგარეო საქმეთა სამინისტროს განმარტებით, ავსტრალიაა არაა “მოწყვლადი” ქვეყნების სიაში, ევროკავშირსა და იტალიაში კი ვაქცინის მუდმივი დეფიციტია. ამასთან, ავსტრალიაში გასაგზავნი ვაქცინის რაოდენობა იტალიისთვისა და ევროკავშირისთვის მიცემულ დოზებზე მეტი იყო.
ავსტრალიაში აცხადებენ, რომ მათ უკვე მიიღეს ვაქცინის 300 ათასი დოზა და შემდეგი თვიდან ადგილობრივი წარმოების დაწყებას აპირებენ.