მანამდე, გვიან ღამით გამართულ პრესკონფერენციაზე, ვაშინგტონის პოლიციის დეპარტამენტის უფროსმა, რობერტ ჯეი კონტიმ განაცხადა, რომ 52-დან 47-ის დაკავება, ქალაქის მერის მიერ გამოცხადებული საგანგებო მდგომარეობის რეგულაციების დარღვევას უკავშირდება. 26 მათგანი სამართალდამცველებმა, უშუალოდ კაპიტოლიუმის მიმდებარე ტერიტორიაზე დააკავეს.
დაკავებულთაგან რამდენიმეს ბრალი, არალიცენზირებული, ან აკრძალული ცეცხლსასროლი იარაღის ტარებას ეხება.
ამასთან, კონტის თქმით, რესპუბლიკური და დემოკრატიული ეროვნული კომიტეტების სათაო ოფისებში ორი ხელნაკეთი ბომბი იქნა აღმოჩენილი. კაპიტოლიუმი მიმდებარე ტერიტორიაზე კი ავტომობილი დააკავეს, რომელიც მოლოტოვის კოქტეილებთ იყო დატვირთული.
დედაქალაქის პოლიციის უფროსი საუბრობს დაღუპულების შესახებ. ერთ-ერთი მათგანს, ქალს, კაპიტოლიუმის პოლიციის ოფიცერმა მაშინ ესროლა, როდესაც ის კაპიტოლოიუმის შტურმში მონაწილეობდა. გარდაცვლილის ვინაობა ჯერჯერობით არ ხმაურდება.
დრამატული მოვლენების დროს, სამედიცინო პრობელემების გამო, კიდევ სამი ადამიანი გარდაიცვალა. პოლიციის უფროსის თქმით, მათ სასწრაფო სამედიცინო დახმარების აღმოჩენა ესაჭიროებოდათ. კონტი დაზარალებულ სამართალდამცავბზეც საუბრობს. მისი თქმით, გასულ ღამეს 14 პოლიციელი დაშავდა, 2 მათგანი ამ დრომდე საავადმყოფოში რჩება.
მიუხედავად იმისა, რომ გასულ დღეს განვითარებულ მოვლენებთან დაკავშირებით დაკავებული ადამიანების რაოდენობა იზრდება, ის მაინც დიდად ჩამორჩება პირველ ივნისს დაკავებულ ადამიანთა რიცხვს. მაშინ, დედაქალაქის პოლიციამ, ჯორჯ ფლოიდის გარდაცვალებასთან დაკავშირებული საპროტესტო აქციის დროს, 300-ზე მეტი მონაწილე დააკავა.
წყარო: ამერიკის ხმა