{{ARTICLEIMAGE}}
შემოდგომა–ზამთრის პერიოდში ადამიანის ორგანიზმის დამცავი თვისებები ქვეითდება, რაც ხშირად ავიტამინოზს და ხშირ გაციებას იწვევს. ამ პერიოდში დიდი მნიშვნელობა აქვს სწორ კვებას, რათა ორგანიზმის იმუნიტეტი გაძლიერდეს. რა პროდუქტები უნდა დავამატოთ რაციონში რომ ნაკლებად ვიავადმყოფოთ.
პროდუქტები გრიპის საწინააღმდეგოდ
მნიშვნელოვანია გვახსოვდეს, რომ იმუნიტეტის გაძლიერებისთვის მთავარია ვიტამინი C, ვიტამინი E, ბეტაკაროტინი, სელენი, თუთია და ვიტამინი D. დაამატეთ თქვენს რაციონს პროდუქტები, რომლებიც C ვიტამინს შეიცავს : ფორთოხალი, გრეიფრუტი, ტომატი, ტკბილი წიწაკა, მარწყვი, პაპაია, კივი, მოცვი, ბროკოლი. ქალისთვის ძალზე მნიშვნელოვან E ვიტამინს უხვად შეიცავს: ავოკადო, ნუში, მზესუმზირის მარცვლები და ისპანახი. იმუნიტეტის გაზრდასთან ერთად ეს პროდუქტები თქვენს კანს ჯანსაღ ელფერსაც შესძენენ. არ დაგავიწყდეთ ბეტაკაროტინიც, რომელსაც შეიცავს სტაფილო, ტკბილი კარტოფილი და გოგრა. ეს ბოსტნეული იდეალურია არომატული საშემოდგომო სუპების მოსამზადებლად. რეკომენდირებულია მწვანე სმუზის მომზადება იმუნიტეტისათვის და მასში სელენის შემცველი პროდუქტების დამატება, მაგალითად ბრაზილირი თხილის, მზესუმზირის მარცვლების ან სხვა ტიპის მარცვლეულის და ხახვის. თუთიის მისაღებად კარგი იქნება მაგალითად გოგრის, სეზამისა და ბარდის სალათს ნუშის რძე მოვასხათ, რომელიც D ვიტამინით მდიდარია.
რეცეპტები დეპრესიის წინააღმდეგ
მიიღეთ რაც შეიძლება მეტი წითელი, ნარინჯისფერი და მწვანე ფერის ხილი და ბოსტნეული. თამამი ექსპერიმენტები ჩაატარეთ და გამოიყენეთ სხვადასხვა ხილ–ბოსტნეული ნაირ–ნაირი სალათების მოსამზადებლად – შემწვარი გოგრა, წიწაკა, სტაფილო, ბროკოლი, ჭარხალი, ისპანახი, პომიდორი. ამ ინგრედიენტებით არაერთი სალათის ან კრემ–სუპის მომზადება შეგიძლიათ. არ დაგავიწყდეთ სასარგებლო ტკბილეულიც – თაფლი, აგავას სიროფი თუ კივის და ფორთოხლის წვენი. ისინი განწყობასაც გამოგისწორებენ და ორგანიზმს საჭირო ვიტამინებით და მიკროელემენტებითაც მოამარაგებენ.
