{{ARTICLEIMAGE}}
NATO-ში საქართველოს გაწევრიანების მხარდაჭერის თაობაზე ალიანსის გენერალური მდივნისა და აშშ-ს სახელმწიფო მდივნის განცხადებებს რუსეთი პროვოკაციად აღიქვამს.
რუსეთის საგარეო საქმეთა სამინისტროს განცხადებაში წერია, რომ “აფხაზეთისა და სამხრეთ ოსეთის საქართველოსთან საზღვრებზე არსებული ვითარება დისკუსიის ყველა მონაწილის მიერ (გარდა საქართველოს წარმომადგენლებისა) მთლიანობაში, აღიარებული იყო როგორც სტაბილური. საზღვრის გადაკვეთის სტატისტიკა იმაზე მეტყველებს, რომ გადაადგილების თავისუფლებასთან დაკავშირებით სერიოზული პრობლემები არ არის. ამიერკავკასიაში, რეგიონალური უსაფრთხოების მთავარი გამოწვევა აშშ-ს და NATO-ს სამხედრო აქტიურობაა საქართველოს ტერიტორიაზე.
პროვოკაციულად მივიჩნევთ NATO-ს გენერალური მდივნისა და აშშ-ს სახელმწიფო მდივნის განცხადებებს საქართველოს NATO-ში გაწევრიანების მხარდაჭერის თაობაზე. ზუსტად ასეთმა უპასუხისმგებლო გზავნილებმა 2008 წლის აგვისტოში თბილისი წააქეზა, დანაშაულებრივი სამხედრო ავანტიურა განეხორციელებინა”,წერია განცხადებაში.