{{ARTICLEIMAGE}}
თბილისის მერი კახა კალაძე მოსახლეობას სახალწლო ღონისძიებების ფარგლებში საინტერესო დღეებს პირდება. დედაქალაქის მთავრობის სხდომაზე კალაძემ განაცხადა, რომ საახალწლო სოფელი რესპუბლიკის მოედანზე მოეწყობა და აქვე გაიმართება სხვადასხვა ღონისძიებები, მათ შორის კონცერტები ნინო ქათამაძისა და ჯგუფ “ლაუდსფიქერის” მონაწილეობით. კალაძემ ასევე განაცხადა, რომ 31 დეკემბრის ღამეს ოჯახთან ერთად სწორედ აღნიშნულ ლოკაციაზე იქნება და მოქალაქეებს მოუწოდა, ერთად შეხვდნენ ახალ წელს. თბილისის მერმა ასევე თქვა, რომ “თოვლის ბაბუას ესაუბრა “სკაიპით” და ის უკვე გზაშია”.
“28 დეკემბერს ვხსნით საახალწლო სოფელს, რომელიც იქნება ჯადოსნური, ძალიან ლამაზი. მინდა, ყველა დავპატიჟო. მობრძანდით შვილებით, შვილიშვილებით. ყველა თაობის ადამიანს ვიწვევ 28 დეკემბერს 20:00 საათზე, რესპუბლიკის მოედანზე. გარდა ამისა, თოვლის ბაბუაც მოდის, გზაშია. დღეს მქონდა კომუნიკაცია და “სკაიპით“ ვესაუბრე თოვლის ბაბუას, ძალიან მალე ჩამობრძანდება და გაახარებს ჩვენს პატარებს, შვილებს და მომავალ თაობებს. ასე რომ, გელოდებით ყველას, ერთად დავხვდეთ თოვლის ბაბუას“,განაცხადა კახა კალაძემ. როგორც სხდომაზე მერის მოადგილემ, სოფო ხუნწარიამ განაცხადა, ქართველი თოვლის ბაბუა სვანეთიდან ჩამოდის. მისი შეფასებით, სანახაობა ზღაპრული იქნება.
მერის მოადგილემ, სოფო ხუნწარიამ განაცხადა, რომ ქართველი თოვლის ბაბუა სვანეთიდან ჩამოდის. მისი შეფასებით, სანახაობა ზღაპრული იქნება.