“ეს არის სამწუხარო მოვლენა” – ირაკლი კობახიძე ბესელიას კომიტეტის გადაწყვეტილებაზე

{{ARTICLEIMAGE}}
პარლამენტის თავმჯდომარე ირაკლი კობახიძე აცხადებს, რომ იურიდიული კომიტეტის თავმჯდომარის პირველი მოადგილე რეგლამენტის დარღვევით აირჩიეს. ამის შესახებ კობახიძემ პარლამენტის ბიუროს სხდომაზე განაცხადა.

“რა თქმა უნდა, იურიდიული კომიტეტი საპროცედურო საკითხთა კომიტეტთან ერთად უნდა იყოს ის კომიტეტი, რომელიც პირველ რიგში, პასუხისმგებელია რეგლამენტის დაცვაზე. ეს არის სამწუხარო მოვლენა, თუმცა ბიურო არ არის უფლებამოსილი, შეაფასოს ეს საკითხი სამართლებრივად”,- განაცხადა ირაკლი კობახიძემ და აღნიშნა, რომ ყოველგვარი კენჭისყრის გარეშე ბიურო ამ ფაქტს ცნობად იღებს.