რუსეთის საგარეო საქმეთა მინისტრმა სერგეი ლავროვმა ომის მიმდინარეობასა და დასავლეთის როლზე საუბრისას კატეგორიულად უარყო ფრონტის არსებულ ხაზზე კონფლიქტის გაყინვის ყოველგვარი შესაძლებლობა და კიევის დამხმარე დასავლური ძალების განადგურება დააანონსა.
„ჩვენ არ დავეცემით, საკუთარ მეთოდებს ბევრად უფრო მკაცრს გავხდით ყველაფრის გასანადგურებლად, რაც კიევის სამხედრო მანქანას დასავლეთის მხრიდან კვებავს. და ჩვენ ამას უკვე ვაკეთებთ. ისინი უკვე იწყებენ კვნესას.
შემთხვევითი არ არის, რომ სულ უფრო მეტი ხმა ჩვენი საერთო სივრცის სხვადასხვა წერტილიდან მოგვიწოდებს სასწრაფოდ გაჩერებისკენ. ასე არ გამოვა. გაჩერება მაშინ არის საჭირო, როდესაც არსებობს გრძელვადიანი, საიმედო და მყარი მოწესრიგება.
ჩვენ ახლა მოულოდნელად რომ გავჩერდეთ შეხების ხაზზე, ამით, ფაქტობრივად, ხაზს გადავუსმევთ ჩვენი ბაბუებისა და წინაპრების გმირობას, რომლებმაც ნაციზმი დაამარცხეს. ამის განხილვაც კი შეუძლებელია. ჩვენთან ადამიანები იტანჯებიან, იღუპებიან ამ ტერორისტული აქტებისგან. საქმე ეხება ჩვენს პასუხისმგებლობას რუსული სახელმწიფოს ათასწლოვანი ისტორიის წინაშე“ – განაცხადა ლავროვმა რუსულ მედიასთან ინტერვიუში