“ქართული ოცნება ქართველ ხალხს ევროპულ მომავალს სისტემატურად ართმევს”- საგარეო და უსაფრთხოების საკითხებში ევროკავშირის უმაღლესი წარმომადგენლის, კაია კალასის განცხადებით, საქართველოში დემოკრატიული უკუსვლა უარესდება.
“საქართველოში დემოკრატიული უკუსვლა უარესდება. აკრძალვის საფრთხის წინაშე უფრო მეტი ოპოზიციური პარტია დგას, ხოლო უცხოეთის აგენტების შესახებ კანონი სამოქალაქო საზოგადოებას ახრჩობს.
ქართველ ხალხს ევროპული მომავალი სურს, თუმცა, “ქართული ოცნება” მათ ამას სისტემატურად ართმევს. ჩვენი ამჟამინდელი მიდგომა ცვლილებისთვის საკმარის ზეწოლას ვერ ქმნის და არც ევროპის სტრატეგიული ინტერესების სრულად გატარების საშუალებას გვაძლევს. ამ საკითხს იანვარში დავუბრუნდებით.” – თქვა კალასმა.