ბიძინა ივანიშვილის ყოფილი „პირადი ფინანსისტის“, გიორგი ბაჩიაშვილის ადვოკატი სუს-ში გამოკითხვაზე დაიბარეს. ამის შესახებ, ჯანდიერი სოციალურ ქსელში წერს და აცხადებს, რომ თანახმაა გამოკითხვაზე, მხოლოდ მაგისტრ მოსამართლესთან.
“18:55 წუთზე მოვიდნენ სუსის გამომძიებლები და დამიბარეს გამოკითხვაზე დღეს, 19:00 საათზე. ვუთხარი რომ თანახმა ვარ მაგისტრ მოსამართლესთან გამოვიკითხო. უბარლოდ შოკში ვარ”, – წერს ჯანდიერი სოციალურ ქსელში.
რამდენიმე საათით ადრე, პროპაგანდისტულმა მედია POSTV-მ გაავრცელა ინფორმაცია, რომ პენიტენციური სამსახურის ყოფილ მაღალჩინოსან გიორგი ქემოკლიძესა და ბიზნესმენს შორის შემდგარი გარიგების შუამავალი სწორედ ჯანდიერია.სამთავრობო მედია ასევე ამტკიცებს, რომ ადვოკატს “ერთ-ერთი ქვეყნის სპეცსამსახურთანაც” ჰქონდა კონტაქტი.